BIBLIOTEKA “FENIKS” KREMTON 10 VJETORIN E SAJ

Më datën 05 Qershor 2014, Biblioteka Publike “Feniks” Kuçovë, kremtoi 10 vjetorin e saj. Merrnin pjesë lexues, krijues të librave të botuara dhe të dhuruara kësaj biblioteke, si dhe ishte i pranishëm Kryetari i Bashkisë z. Bardhyl GJYZELI.

Boshti kryesor i zhvillimit të aktivitetit, ishte një panoramë e Odisesë së Rilindjes të kësaj biblioteke. Vështirësitë e hasura për të rimarrë godinën e kthyer në një relike të marrëzisë njerëzore dhe ngjarjet e vitit 1997, krijimi i koleksioneve, plotësimi me bazën e duhur materiale si dhe personelin e kualifikuar, e deri te krijimi i lidhjeve me lexuesit dhe aktivitetin intelektual “i të lexuarit”.....

Nismat e ndërmarra në vite për pasurimin e fondit, iu bashkëngjiten kronologjisë së rilindjes, duke prezantuar me emra dhe numër ekzemplarësh të gjithë donatorët, të cilët kanë dhënë një kontribut dhe ndihmë të jashtëzakonshëm në atë çka biblioteka është sot. Më pas u vijua me prezantimin e statistikave të frekuentimit vit pas viti duke u ndalur në mënyrë të veçantë në anëtarsimin rishtaz dhe shërbimet e ofruara nga ky institucion. Nuk mund të mbetej jashtë vëmëndjes dhe prezantimi i aktiviteteve, duke filluar nga aktivitetet që zhvillohen me fëmijët parashkollorë, e deri në promovimet dhe takimet me shkrimtarë të njohur nga mbarë vendi. U mëshua mbi faktin që çdo aktivitet ka në vetvete një qëllim të çmuar, madhorë për nga vlera dhe mesazhi që ato përcjellin tek lexuesi, t’a bëjë librin të jetë prezent në jetën e individit, për t’a formuar këtë individ dhe t’a rrisë atë si personalitet në shërbim të vetes dhe komunitetit në tërësi.

Me këtë rast një përshëndetje dhe vlerësim për punën e bërë, si dhe me urimin për 10 vjetorin e rilindjes së saj, u bë nga Kryetari i Bashkisë z. Bardhyl GJYZELI.

Për persona të veçantë të cilët kanë dhënë kontribut në pasurimin e fondit dhe kanë qënë pjesëmarrës në aktivitetet e zhvilluara në biblioteke, u shpërndanë Çertifikata Mirënjohjeje.

  Në fund të takimit u shtrua një koktejl, ku të pranishmit shkëmbyen opinione të ndryshme. 

1 QERSHOR, DITA NDËRKOMBËTARE E FËMIJËVE

Këtë vit, ndyshe nga vitet e tjera, festa e 1 Qershorit u realizua me një program krejt ndryshe nga vitet e tjera. Programi i kësaj feste të bukur  ishte mbështetur në një bashkëpunim të ngushtë midis institucioneve përkatëse, për të përcjellë mesazhin e jetës argëtuese për fëmijët.

Kuptohet që ky mesash ka një objektivë të caktuar, e cila përcjelle mesazhin e barazisë per  njeri-tjetrin si dhe ndërgjegjësimin e komunitetit për të drejtat dhe vlerat e fëmijëve. Në këtë veprimtari morën pjesë fëmijët parashkollore si dhe femijët e arsimit fillore, veprimtari e cila u realizua nën kujdesin e Kryetari të Bashkisë Kuçovë, z. Bardhyl GJYZELI, në bashkëpunim me Centro Sportivo Italiano, Zyra Arsimore, Qëndra Kulturore e Fëmijëve, Shkollat, Kopshtet.

Ajo që ishte ideuar dhe programuar për realizimin e kësaj feste, ishte aktivizimi maksimal i fëmijëve parashkollore dhe i fëmijëve të arsimit fillore, ku qëllimi kryesor ishte sensibilizimi dhe pjesëmarrja dinjitoze e fëmijëve të komunave të rrethit Kuçovë, demostrimi i lojrave të ndryshme popullore nga fëmijët, si dhe zbukurimi i sheshit me dekore të ndryshme. Aktiviteti u zhvillua në terren, pranë sheshit  “18 Tetori”, para Bashkisë duke u shtrirë edhe në bulevardin “Dëshmorët e Kombit”

Fëmijët në këtë aktivitet u paraqitën me postera dhe vizatime të ndryshme, të realizuara nga vete ata dhe që i afishuan në vënde të dukshme në këto ambjente, idea dhe përmbajtja e të cilave lidheshin pikërisht me festën e 1 Qershorit.

Nuk munguan gjatë kësaj veprimtarie edhe mendime dhe veprime promovuese, valle popullore,valle moderne, duke përfshirë këtu edhe vallen e Pinguinit, e cila ka marrë një vëmëndje të veçantë në këto kohë, jo vetëm nga të rritur  por edhe nga fëmijët.

Një përshëndetje me këtë rast u bë edhe nga Kryetari i Bashkisë z. Bardhyl GJYZELI, i cili përgëzoi si dhe uroi fëmijët, prindërit, mësuesit dhe edukatorët e fëmijëve, për përkushtimin me të gjitha forcat për t’a realizuar sa më festive këtë ditë të bukur të fëmijëve tanë.

Nuk harojmë me këtë rast që njëkohësishtë të fa lenderojmë edhe mbështetjen që dha Policia e Rendit dhe ajo Rrugore për t’i krijuar kushte  më të mira dhe të qeta, për realizimin e kësaj feste.

PËRUROHET VENDOSJA E EMËRTIMIT TË RRUGËS

“RAIFFEISEN BANK”

Me Vendim të Këshillit Bashkiak, rruga nga pallati 9 kt (hyrje e Teknikumit) deri në kthesën për tek shkallët e Spitalit, u pagëzua me emrin Rruga “Raiffeisen Bank”.

 Pikërisht për të përuruar vendosjen e këtij emri, por që edhe koeçindonte me 10 Vjetorin e themelimit të kësaj banke, në vëndin ku është vendosur tabela me emrin përkatës, u zhvillua ceremonia e zbulimit të kësaj tabele.

Merrnin pjesë Kryetari i Bashkisë, z. Bardhyl GJYZELI, stafi i bashkisë, ndërsa nga përfaqësuesit e Rraiffeisen Bank z. John McNaughton, Anëtar i Bordit i RBAL Serge GUAY Drejtor i shitjes dhe shpërndarjes së degëve, Emila CANGU, Drejtoreshë Distrikti, Dhurata DUNDO N/Drejtoreshë Distrikti, Barjam Delibashi, Drejtorë i Degës Kuçovë.

 Mbas zbulimit të tabelës fjalën e rastit e mori Kryetari i Bashkisë z. Bardhyl GJYZELI, i cili vlerësoi punën dhe përkushtimin e kësaj banke, sëbashku me stafin e saj, në të mirë të komunitetit, duke qënë një nga partnerët kryesor dhe seriozë të Bashkisë Kuçovë dhe që mbi të gjitha, ka sponsorizuar mbjelljen e pemëve në disa rrugë të qytetit tonë.

 Z. John McNaughton, A- nëtar i Bordit i RBAL, falenderoi Kryetarin e Bashkisë dhe Këshillin Bashkiak për këtë vlerësim që i bën kësaj banke, si dhe për përshëndetjen dhe fjalët e ngrohta të Kryetarit të Bashkisë z. Bardhyl GJYZELI për vlerësimin që ai evidentoi në bashkëpunimin dhe partneritetin me “Raiffeisen Bank”.

Me këtë rast z. John McNaughton, Anëtar i Bordit i RBAL, i dhuroi Bashkisë Kuço- vë një Çek me vlerën 500 000 lekë, për t’a përdorur atë në shërbim të komunitetit të Kuçovës.

5 MAJ DITA KOMBËTARE E DËSHMORËVE TË ATDHEUT

5 Maji i çdo viti është dita simbol i Dëshmorëve të Atdheut. Prandaj në këtë ditë gjithë populli shqiptar përulet me respekt përpara atyre që kanë dhënë jetën për Atdheun.

Në kuadrin e 70 vjetorit të Çlirimit të Atdheut, në 5 Majin e këtij viti jubilar, ne nderojmë jetën dhe veprën e Dëshmorëve të Luftës Antifashiste Nacional-Çlirimtare, si epopeja më e lavdishme e popullit shqiptar gjatë gjithë historisë së tij, që e bashkoi atë në një front të vetëm, pa dallim feje, krahine dhe ideje…..

Ne do të përkujtojmë në këtë ditë të gjithë ata dëshmorë që kanë dhënë jetën në periudhën e pas çlirimit, në ndërtimin e përparimin e vëndit në të gjitha fushat, në polici, ushtri, në kufi, etj., si dhe të rënët për çlirimin e Kosovës.

Me rastin e Ditës së Dëshmorëve, u organizua: Aktivitet në shkollën “Dëshmorët e Kombit”

Mbas  ekzekutimit të Himnit të Flamurit, të kënduar direkt nga nxënësit e kësaj shkolle, e mori fjalen drejtore e kësaj shkolle znj. Vjollca Kllapi, e cila përshëndeti pjesëmarrësit si dhe shprehu falenderime të veçanta për të gjithë pjesëmarrësit dhe bashkëpunuesit në këtë eveniment kushtuar pikërishtë kësaj date.

Merrnin pjesë Kryetari i Bashkisë,  z. Bardhyl GJYZELI, Nën/Prefekti i Rrethit të Kuçovës z. Sybi Shehu, veteran, pasardhës veteran dhe anëtar të Organizatës së Familjeve të Dëshmoreve si dhe nga institucione të qytetit të Kuçovës.

Më pas u vazhdua me koncertin festiv kushtuar kësaj date të shënuar dhe përshëndetjet e nxënësve të shkollave 9-vjeçare të rrethit të Kuçovës, kushtuar 5 Majit.

Vendosja e kurorave në Lapidarin kushtuar Luftës Antifashiste Nacional-Çlirimtare

Në ora 11ºº, nën shoqërimin e Himnit të Flamurit, në lapidarin në hyrje të qytetit, u vendosën kurora dhe buqeta me lule të freskëta, në nderim të dëshmorëve. Pranë lapidarit, përpara pjesëmarrësve të shumtë në këtë eveniment të shënuar, fjalën e rastit e mbajti Kryetari i Bashkisë z. Bardhyl Gjyzeli.

Edhe Kuçova rreshton në altarin e saj të artë, Dëshmorë të zonës si : Gaqi Karakashi, Tafil Skëndo, Thimi Tane, Ajet Xhindole, LLukan Prifti, Llazar Kuli, Stefan Ndreu, Kol Hoxhollin Astrit Suli, Vasillaq Tanku, Lumner Hasanbelliu e shumë e shumë të tjerë.

MARSI MUAJI I FESTAVE 

Marsi është muaji i festave tradicionale dhe ato zyrtare, muaji që lajmëron ardhjen e pranverës, por që këtë vit duhet pranuar se ndarja midis stinëve ishte gati i padallueshëm. Marsi e pasqyron këtë jo vetëm sepse data 1 e tij shënon fillimin e një stine të re, por edhe sepse mbart në vetvete festa të bukura dhe me vlera shoqërore: 

7 Marsi dita e mësuesve 

Është bërë traditë tashmë që ditën e festës së mësuesve, Qëndra Kulturore e Fëmijëve të Kuçovës, përgatit një veprimtari kulturore kushtuar kësaj dite të shënuar. Kështu më 7 Mars në amb- jentet e saj, u realizua një program artistik, ku ishin të ftuar Kryetari i Bashkisë z. Bardhyl GJYZELI, Nën/Prefekti i Rrethit të Kuçovës z. Sybi Shehu si dhe drejtore e Zyrës Arsimore znj. Egla Gjika

 8 Marsi festa e grave

8 Marsi njihet si "Dita e Gruas", në të gjithë botën. Madje në shtete të ndryshme kjo ditë festohet si festë kombëtare. Kjo ditë shërben jo vetëm për bashkimin e grave pa dallim feje, race, kulture, gjuhe dhe prejardhjeje, por edhe për të kujtuar përpjekjet për barazi, paqe, drejtësi dhe zhvillim.

Tashmë është bër traditë që kjo ditë të festohet në mënyrë të organizuar nga ndërmarrje dhe insti tucione të ndryshme.

14 Marsi dita e Verës, e cila i dedikohet stinës së pranverës dhe kjo festë kryhet në nderim të natyrës së bukur dhe bimësisë që merr jetë në këtë stinë.

Mbi të gjitha bukurinë kësaj feste ja dha jo vetëm qielli i pastër i kësaj dite pranverore, ku dielli i ngrohtë dhe plotë shkëlqim nuk mungonte dhe dukej sikur donte të plotësonte defiçitin e krijuar nga viti i kaluar, i cili nuk na la për të zhvilluar ritualin e plotë të saj, por dhe koncerti festiv i organi zuar nën kujdesin e Kryetarit të Bashkisë z. Bardhyl GJYZELI.

Një program vërtet i pasur, që mbajti për dy orë të mbërthyer pjesëmarrësit e shumtë në këtë ditë festive. Në këtë program nuk munguan lojrat popullore, karnavalet e realizuara nga fëmijët e kop- shteve dhe mbi të gjitha koncerti i organizuar nga Qëndra Kulturore “Feniks”.

Këngëtar të dëgjuar por që vinin për herë të parë në qytetin tonë, mbajtën të ndezur emocionet e spektatorit kuçovar, i cili jo vetëm i shoqëroi me duartrokitje, me valle të ndryshme popullore, por edhe në ndonjë rast edhe duke kënduar sëbashku me ta. Kështu përveç këngëtarëve të qytetit tonë Anila Qafoku (Halili), Edmond Naqellari dhe Artur Guri, ishin këngëtarët e ardhur si Rovena Ibrahimaj, Onanta Spahiu, Vedat Ademi.

Vulnerabiliteti ndaj migrimit dhe faktoret e riskut. Mbeshtetja e migrimit te sigurte dhe ne Kucove

Vulnerabiliteti ndaj migrimit dhe faktoret e riskut. Mbështetja e migrimit te sigurte dhe ne Kucove.

Objektivi I ketij projekti eshte te punoje ne parandalimin e trafikimit te qenieve njerezore dhe migracionit shfrytezues duke eksploruar strategji alternative per personat ne risk. Kjo mund te perfshije strategji te sigurta migracioni ose opsione alternative zhvillimi ne atdhe ose komunitet. Nepermjet nje studimi paraprak me baze komunitare, projekti do te identifikoje personat te cilet kane ose qe nuk kane patur experience shfrytezimi te migrimit , edhe bashke me to te eksplorohen faktoret qe bejne disa njerez dhe jo disa te tjere vulnerable ndaj ketyre abuzimeve. Duke punuar dhe duke mesuar nga individe te cilet nuk kane qene te trafikuar, ne mund te mesojme se si  ato I shmangin keto probleme  ose si migrojne te sigurte ose gjejne nje startegji alternative te migracionit.

Bazuar ne gjetjet nga keto intervista dhe diskutimeve, ne do te zhvillojme nje projekt duke mobilizuar disa nga keto strategji duke testuar lidhjen dhe vizibilitetin ne nje komunitet me risk te larte te shfrytezimit te migracionit. Duke identifikuar se cfare zgjidhjesh  dhe mobilizuar nga  “ne rrezik” te individit, ky project do te zhvilloje nje metode per te suksesshem, kosto efektive dhe praktika parandalimi te bazuara ne nivel local te cilat mund te formojne nje baze te shendoshe dhe te  informojne per politikat dhe praktikat kunder trafikimit. Projekti pilot do te zgjase per 1 vit ne komunitet.

Perfituesit direkt jane individet ne komunitet ne risk te larte te trafikimit te cilet aktualisht jane vulnerable ndaj te migracionit te pasigurte. Identifikimi I strategjive te suksesshme per te shmangur migracionin e pasigurt mund te jene mjete te replikueshme per parandalimin e trafikimit. Si I tille, perfituesit afatgjate  jane parashikuar to jene viktima trafikimi potenciale dhe migrante te shfrytezuar ne komunitetet ne risk.

Partneret e Studimit

Ky projekt do te kryehet ne bashkpunim midis Anette Brunovskis  Instituti Fafo per Studime Nderkombetare te Aplikuara,Norway), ), Rebecca Surtees ( Instituti NEXUS , Washington, DC) dhe Organizata te Ndryshem dhe te Barabarte. Ky projekt eshte financuar nga Ministria Norvegjeze e Puneve te Jashtme.

Instituti Fafo per Studime Nderkombetare te Aplikuara eshte nje institut kerkimesh i pavarur. Fafo ka nje eksperience te gjate ne kryerjen e studimeve sociale ne strategjite e perballimit te familjeve ne vendet qe jane ne tranzit  dhe atyre te dala nga konflikti.Fafo AIS ka kryer nje numer studimesh ne ceshtjet qe lidhen me trafikimin dhe migrimin, duke perfshire dhe Shqiperine.

Instituti NEXUS eshte nje qender studimesh dhe politikash multidisiplinaree vendosur ne Viene.Ky institute ka punuar gjeresisht ne ceshtjet e trafikimit, migrimit dhe vulnerabilitetin social ne Ish Bashkimin Sovjetit,Azine Juglindore, dhe Europe, dhe Evropen Juglindore duke perfshire dhe Shqiperine.

Nje  aspekt qendror I punes se NEXUS qendron ne asistencen dhe perpjekjet protektive per personat vulnerabel duke perfshire personat e trafikuar dhe migrantet.

Te Ndryshem dhe Te Barabarte eshte nje Organizate Shqiptare e cila ka punuar qe ne vitin 2004 mbi trafikimin e qenieve njerezore, ne fushen e mbrojtjes nga trafikimi por dhe ne parandalim.Misioni I Organizates eshte te ofroje sherbime cilesore per mbrojtjen dhe riintegrimin e viktimave te trafikimit dhe te kontribuoje ne ne sistemet e identifikimit, referimit, rritjen e ndergjegjesimit, parandalimi dhe asistenca kundrejt viktimave te trafikimit dhe atyre ne risk per te qene te trafikuar ose stigmatizuar si pasoje e migracionit. Informacione kontakti different&equal@icc-al.org  tel: +355 4 2221892

 Aktivitete që mund të përfshihen në planin strategjik të Bashkisë Kucovë.

1.       Të  përditësohet në mënyrë periodike “ Mamuali për Migrantët” publikim në pronësi të Bashkisë së Kucovës dhe të vihet në dispozicion të publikut të gjërë.

2.       Të publikohen rregullisht fragmente nga manuali në gazetën lokale të qytetit të Kucovës “Lajmëtari I Kucovës”.

3.       Të organizohen rregullisht aktivitete ndërgjegjësuese mbi migracionin e sigurtë me aktorë të ndryshëm të komunitetit të Kucovës.

4.       Të prodhohen  manuale të tjera në rast nevoje dhe t’i vihen në dispozicion komunitetit nëpërmjet zyrës së informacionit të Bashkisë.

MANUALI PER MIGRANTET

Nje dite para Festës së Çlirimit të Kuçovës

 Edhe këtë vit programi i festës kushtuar kësaj dite të shënuar për popullin e Kuçovës, fillojë një ditë më parë dhe pikërisht më 17 Tetor me një koncert festiv të shkollës “18 Tetori”, dhe mbi të gjitha ky program artistik i këtij viti, kushtuar 69 vjetorit të Çlirimit të Kuçovës, kishte të veçantën e saj sepse programi artistik i kësaj shkolle, si dhe përkushtimi direktë dhe seriozë i Qëndrës Kulturore të Fëmijëve Kuçovë, nën drejtimin e mësueses Anila Halili, të stafit mësimdhënës dhe të Drejtoreshës së shkollës znj. Luljeta Guri, la mbresa të veçanta për vlerësimin maksimal të kësaj veprimtarie artistike që i përkushtohej ditës së Çlirimit të Kuçovës

Në këtë veprimtari festive, morën pjesë Nën/Kryetari i Bashkisë z. Shpëtim Nishani, Drejtore e Zyrës Arsimore, znj. Fatbardha Bullari, Veteranë të LANÇ-it dhe nga Organizata e Familjes së Dëshmorëve, si dhe të ftuar të tjerë, prindër dhe ish-nxënës të kësaj shkolle.

  

Mbas ngritjes së flamurit nën shoqërimin e Himnit të Flamurit, fjalën e përshëndetjes e mbajti Drejtoresha e shkollës znj. Luljeta Guri.

Me shumë kënaqësi ju uroj mirëseardhjen ju Miq e të ftuar. Gëzuar festën e Çlirimit!

Të nderuar pjesëmarrës, veteran të luftës, të nderuar prindër,nxënës e ish-nxënës të kësaj shkolle, që pa ju kjo festë s’do të kishte kuptim.

Zotërinj të ftuar, zoti Nën/Kryetari i Bashkisë, zonja Drejtoreshë e Zyrës Arsimore Mirë se kini ardhur. Sot ky shesh ka ndryshuar formatin e tij. Krenohemi me madhështinë e kësaj ndërtese e cila mbart në vetvete 59 vjet jete……

…..Unë sot në emër të stafit pedagogjik dua të falenderoje të gjithë të pranishmit, veçanërisht veteranët që me përkushtim i janë dedikuar kësaj dite duke na sjellë në kujtesë ato ditë të vështir lufte……gjithashtu një falenderim i shkon Pushtetit Vendor, Zyrës Arsimore dhe Qëndres Kulturore të Fëmijëve të cilët na kanë dhënë suportin e tyre në çdo kërkesë që kemi patur……Koleg të nderuar ju meritoni një falenderim të vëçantë në këtë ditë të bukur festive.

 

Nuk munguan edhe përshëndetjet nga z. Dhimo Kuli, Kryetar i Organizatës Familja e Dëshmorëve të LANÇ-it, si dhe të Nën/Kryetarit të Bashkisë z. Shpëtim Nishani, për këtë ditë të shënuar.

Të dashur nxënës !

Të nderuar personel i stafit mësimor të shkollës "18 Tetori“

Të respektuar Veteran dhe pjesëmarrës në këtë festë.

 Është bërë traditë tashmë që prologun e përvjetorëve të festës së Çlirimit të Kuçovës, t’i nisim pikërisht këtu, në këto ambjente të kësaj shkolle, gjë e cila lidhet jo vetëm se në siglën e shkollës tuaj është skalitur data "18 Tetor“, por sepse nga ana e juaj ka patur një organizim, angazhim dhe përkushtim për t’a evidentuar dhe festuar sa më mirë këtë datë.

Shkolla e juaj, mësuesit dhe mbi të gjitha Drejtoresha e kësaj shkolle, ka treguar vlera të veçanta për realizimin me nivel të lartë të festave, gjë që u tregua më së miri me rastin e 100 Vjetorit të Pavarësisë së Atdheut, si dhe për festa të tjera tradicionale.

Të gjitha këto nuk janë të rastit, por tregojnë se kjo shkollë, sado e vjetër që është dhe këtë vit feston 59 vjetorin e saj, ka stimuluar vlera të vërteta, jo vetëm në detyrën fisnike të edukimit të brezit të ri, por t’i manifestoj ato edhe në veprimtari të ndryshme shkollore dhe jashtë shkollore, siç janë koncertet e përgatitura me raste festash.

Më lejoni që në emër të Kryetarit të Bashkisë, z. Bardhyl GJYZELI, i cili për arsye pune sot nuk mundi të jetë i pranishëm në këtë veprimtari, t’ju falenderoj dhe t’ju uroj suksese në mësime dhe shëndet në familjet tuaja.

Nga kjo shkollë kanë dal me qindra e mijra intelektual dhe specialistë të zot, të cilët janë treguar të aftë dhe profesionist të vërtet si: në fushën e zbulimit dhe prodhimit të naftës, në industrinë mekanike, në mjekësi, ushtri, në fushën e arsimit dhe në detyra të tjera shoqërore.

Nuk është e rastit që edhe Kryetari i Bashkisë aktual z. Bardhyl GJYZELI apo dhe Kryetari i Këshillit Bashkiak të Kuçovës z. Arqile Mjeshtri, kanë qënë nxënës të kësaj shkolle. Për ne drejtuesit e pushtetit vendor, na del si detyrë që megjithë kontributin e dhënë ndaj shkollës tuaj, ndofta edhe në situata disi të vështira financiare, të cilat kanë qënë modeste, të na obligojnë që në të ardhmen, për shkollën tuaj të tregojmë më shumë interesim, po kështu edhe për shkollat e tjera të sistemit 9-vjeçar të qytetit tonë.

Festimi i 69 vjetorit të Çlirimit të Kuçovës, nxjerrë përpara jush dhe stafit mësimor të shkollës tuaj, që më shumë duhet të mësojmë dhe të marrim dijeni për ditët dhe datat historike të qytetit dhe të vëndit tonë.

Sot juve ju duhet të mësoni më shumë për vëndlindjen tuaj, për vlerat e saj historike dhe social-ekonomike, të dini më mirë datën e Çlirimit të vëndit, të Pavarësisë së Atdheut dhe data të tjera historike, sepse nuk na vjen mirë kur ndonjëherë konstatojmë se nga moshatarët tuaj, nuk dihen mirë këto data.

Është në detyrën tonë si prind dhe si mësues të tregojmë interes, jo vetëm për datat festive të përcaktuara, por edhe për objektet që lidhen me to, mbi të gjitha me transmetimin e vlerave të tyre nëpër breza, sepse koha na e ngarkon si detyrë që të mos i harojmë kurrë këto ditë të shënuara, të cilat lidhen me historinë e lavdishme të vendit dhe të qytetit tonë.

Ju duhet të dini se Kuçova e revoltës së parë të punëtorisë shqiptare, shpërtheu përmes grevës së saj në Shkurt të vitit 1936 kundër shfrytëzimit. E jo vetëm kaq, ajo vazhdoi edhe më tutje, ku mbi 200 djemë e vajza kuçovare, pa llogaritur dhjetra e qindra të tjerë që vepruan në çetat territoriale, hodhën pushkën krahut e dolën partizanë kundër pushtuesit Gjerman.

Kuçova përmes grykës së pushkës, sakrificave dhe gjakut që derdhi, dha kontributin e vetë në Luftën Antifashiste Nacional-Çlirimtare, jo vetëm për çlirimin e Kuçovës por edhe të gjithë Shqipërisë.

Çlirimi i vendit në përgjithësi dhe ai i Kuçovës në veçanti, kërkoi një punë të përkushtuar dhe me sakrifica të mëdha, të cilat me vullnetin dhe vendosmërinë e të gjithëve ne, bënë të mundur që të fillonte një periudhë e re e zhvillimit të qytetit tonë dhe të banorëve të saj.

Në këtë 69 vjetor jemi të ndërgjegjshëm që qyteti ynë ka ndryshuar, por ka shumë për të bërë dhe është në detyrën e Pushtetit Vendor që të bëj më shumë për ju, për prindërit tuaj, për qytetin tonë.

Duke përfunduar ju uroj të gjithëve, Gëzuar festën e Çlirimit të Kuçovës.

Rroftë populli i Kuçovës !

Lavdi Dëshmorëve që ranë për Çlirimin e Kuçovës !

Suksese në mësime !

Po kështu vazhduan me përshëndetje znj. Fatbardha Bullari, Drejtore e Zyrës Arsimore, për të vazhduar më tej në një panair të shtruar me këtë rastë nga prodhimet e vet nxënësve të kësaj shkolle.